Ymgysylltu â’r gymuned

Mae’r amgylchedd morol yn chwarae rhan bwysig yn achos nifer o gymunedau ledled arfordir Cymru, ond nid yw’n hygyrch i bawb.

Drwy ddefnyddio ein rhywogaethau blaenllaw, (maelgwn, cŵn pigog, morgathod du, cŵn glas, morgathod glas a morgathod trwynfain) mae Prosiect SIARC yn gweithio gyda grwpiau ysgol amrywiol, gwyddonwyr ddinasyddion a grwpiau sydd wedi’u tangynrychioli i ysbrydoli, ymgysylltu a chasglu gwybodaeth am elasmobranciaid yng Nghymru.

Ysgolion

Bwriad Prosiect SIARC yw ysbrydoli cenedlaethau’r dyfodol i ddiogelu’r amgylchedd morol drwy gynnig amrywiaeth o sesiynau rhyngweithiol i ddisgyblion rhwng 7 – 13 oed.

Argraffu 3D mewn ysgolion

Rydym yn gweithio gydag ysgolion yn ardal ACA Bae Caerfyrddin a’r Aberoedd gan gynnig hyfforddiant ym maes technoleg argraffu 3D gan roi’r cyfle i fyfyrwyr gynllunio a chreu modelau arddangos 3D ar sail ein rhywogaethau blaenllaw. Yna caiff yr arddangosfeydd hyn eu gosod yn y Tŷ Gwydr Mawr yng Ngerddi Botaneg Cenedlaethol Cymru.

Darllenwch adroddiad 2023

Sesiynau ‘Cwrdd â’r Gwyddonwyr’ ar-lein

Rydym yn ymwneud yn uniongyrchol ag ysgolion cynradd ledled Cymru drwy gynnig sesiynau ‘Cwrdd â’r Gwyddonwyr’ drwy gyfrwng Microsoft Teams. Ymhellach, mae cynlluniau gwersi a phecynnau athrawon yn darparu cynnwys i ddathlu rhywogaethau blaenllaw Prosiect SIARC ac amgylchedd morol Cymru.

Trefnwch gynnal sesiwn Cwrdd â’r Gwyddonydd

Prosiect Maelgi: e-lyfr dwyieithog Cymru

Rydym wedi datblygu e-lyfr ar gyfer disgyblion CA2 sy’n astudio treftadaeth Maelgwn yng Nghymru a’r modd yr ydym yn cydweithio er mwyn deall rhywogaethau sydd Dan Fygythiad Mawr.

Lawrlwythwch yr eLyfr

ysgolion

Gwyddoniaeth Dinasyddion

Drwy gydweithio â gwyddonwyr ddinasyddion, gallwn gasglu gwybodaeth bellach ynglŷn ag elasmobranchiaid yng Nghymru wrth ysbrydoli gwirfoddolwyr i ymgysylltu â’u hamgylchedd morol lleol.

Rydym yn canolbwyntio ar dri gweithgaredd gwyddoniaeth dinasyddion:

Cofnodi presenoldeb wyau ar draethau lleol fel rhan o ‘Great Eggcase Hunts’ yr Ymddiriedolaeth Siarcod

Gan ddefnyddio’r offer angenrheidiol, bydd cymunedau ac ymarferwyr yn darganfod wyau elasmobranchiaid yn eu hardal leol mewn cyfres o ddigwyddiadau a gaiff eu cynnal gan Ymddiriedolaeth Natur Gogledd Cymru a’r Ymddiriedolaeth Siarcod.

Lawrlwythwch ein Canllaw Adnabod Casys Wyau

Dysgwch fwy

Helpwch ein hymchwilwyr drwy adnabod rhywogaethau gan ddefnyddio’r llwyfan Instant Wild

Gall unrhyw un sydd â mynediad i’r rhyngrwyd fod yn ddinesydd-wyddonydd drwy adolygu fideos tanddwr o arfordir Cymru, sydd i’w gweld ar Borth SIARC Instant Wild Project. Newydd i adnabod siarc? Dim problem – rydym wedi datblygu cwrs hyfforddi i’ch helpu i wybod y gwahaniaeth rhwng rhywogaethau.

Ewch i ‘Instant Wild’

Twrio yn yr archifau er mwyn casglu cofnodion hanesyddol am elasmobranchiaid

Caiff gwyddonwyr ddinasyddion eu hyfforddi i wneud gwaith ymchwil archifol a thwrio drwy archifau lleol, y llyfrgell, neu amgueddfeydd am gofnodion yn ymwneud ag elasmobranchiaid, gan helpu i ddatgloi pwysigrwydd hanesyddol elasmobranchiaid a’u treftadaeth yng Nghymru.

Cymerwch gip ar ein canfyddiadau

gwyddoniaeth-dinasyddion

Cydraddoldeb, Amrywiaeth a Chynhwysiant

Mae angen dybryd i gynnig mwy o gyfleoedd i ymwneud â chadwraeth forol. Drwy gyfrwng ymchwil yn cynnwys cyfweliadau a thrafodaethau grwpiau ffocws, rydym yn gweithio at adnabod cymunedau sy’n ddiffygiol o safbwynt gwarchodaeth forol, y rhwystrau i ymgysylltiad a mesurau er mwyn sicrhau amrywiaeth ehangach a chynhwysedd ledled Cymru. Rydym yn rhannu’r hyn a ddysgwyd gyda’n partneriaid, ac yn gweithredu newidiadau yn ein gwaith gyda physgotwyr a rhaglenni gwyddoniaeth dinasyddion

Caiff rhywogaethau blaenllaw Prosiect SIARC eu defnyddio hefyd i ddatblygu gwerthfawrogiad newydd o’r amgylchedd tanddwr yng Nghymru, gan hybu mynediad a galluogi ymgysylltiad â grwpiau sydd wedi’u tangynrychioli.

Cymerwch gip ar y ffeithlun hwn sy’n dangos ein canfyddiadau hyd yma

Mae ymgysylltu â phobl o gefndiroedd amrywiol yn gwella arferion cadwraeth ac o fudd i ymchwil academaidd (Smith ac eraill, 2017; Resnik ac eraill, 2015). Mae Prosiect SIARC yn cydnabod bod yn rhaid gwneud mwy i amrywio cyfleoedd, drwy ddeall gwahanol gynulleidfaoedd (hunaniaethau), gwerthoedd ac anghenion i apelio at ddemograffeg ehangach o bobl a chefnogi cynulleidfaoedd i ymgysylltu â chadwraeth forol yng Nghymru.  

Mae adolygiad o gydraddoldeb, amrywiaeth a chynhwysiant Prosiect SIARC 2021-2023 yn cyfosod gwaith a dysgu o Brosiect SIARC rhwng 2021 a 2023, ymchwil yn y gymuned, profiadau partneriaid prosiect o fewn a thu hwnt i Brosiect SIARC, a chyngor gan ymarferwyr cydraddoldeb, amrywiaeth a chynhwysiant.  

Rhwng 2023 a 2026, bydd Prosiect SIARC yn gweithio i gyflawni Prosiect SIARC: cynllun gweithredu cydraddoldeb, amrywiaeth a chynhwysiant, gan ganolbwyntio’n benodol ar gefnogi dull y prosiect o weithio gyda phartneriaid cymunedol lleol (amcanion 3 a 5 Prosiect SIARC) a phartneriaid pysgotwyr (amcanion 1 a 2 Prosiect SIARC) yng Ngogledd Cymru. Fel prosiect, byddwn hefyd yn gweithio’n frwd i gyfnewid yr hyn a ddysgwyd o gyflwyno’r cynllun gweithredu hwn i feysydd eraill o’n gwaith. Cynigir llunio adroddiad cynnydd canol tymor ar gyfer 2025 ar y cynnydd tuag at gyrraedd ein targedau, a chynhelir adolygiad o’r cynllun gweithredu hwn yn y cyfnod hyd at ddiwedd cyfnod ariannu presennol y prosiect ym mis Mawrth 2026 er mwyn llywio syniadau strategol pellach ar gyfer cam nesaf y prosiect. 

cydraddoldeb_amrywiaeth_chynhwysiant

Prosiect amlddisgyblaethol yw Prosiect SIARC sy’n gweithio gyda physgotwyr, gwyddonwyr ddinasyddion, ymchwilwyr, cymunedau lleol a’r llywodraeth i ddiogelu siarcod a morgathod a chefnogi adferiad gwyrdd yng Nghymru.

Darganfod sut i gymryd rhan